Sajak
Kenging Ristya
Janari Leutik
Ruhak durukan geus
lila pareum
sora adzan ti beh jauh
hawar-hawar kabawa angin janari
“Geus mangsana mulang” , ceuk anjeun
Ci ibun nu nyangsaya dina beunget peuting
Nyalangkrung bangun nu seunggah mangkat
“Dagoan”, ceuk kuring
Di mumunggang nu itu
urang bakal tepung
pikeun mungkas carita
wanci janari leutik
aya lalakon hirup
bakal lekasan
basa ruhak durukan geus lila peureum
didieu
dina mumunggang
hate……
15 juni 2015